Psa 36 | TwiNAK | STEP | Bɔne kasa kyerɛ ɔdebɔneyɛfo ma edu ne koma mu pɛɛ; ɔpa Onyankopɔn na onni no ni.

Psalms 36

Onipa bɔne su

1 Bɔne kasa kyerɛ ɔdebɔneyɛfo ma edu ne koma mu pɛɛ; ɔpa Onyankopɔn na onni no ni.
2 Esiane sɛ odwen nʼankasa ho nti, osusuw sɛ Onyankopɔn renhu ne bɔne mmu no fɔ.
3 Ne kasa yɛ bɔne na atoro ahyɛ no ma; afei ɛnyɛ ade a nyansa wɔ mu na ɔyɛ.
4 Ɔda mpa so no, na ɔredwen bɔne ho.
Biribiara nni hɔ a ɔyɛ a, eye.
Na ɔmpɛ sɛ ogyaa bɔneyɛ.
5 Awurade, wo dɔ a ɛnsa da no du sorosoro.
Wo nokware du sorosoro.
6 Wo trenee hɔre te sɛ mmepɔw.
Wʼatɛntrenee mu dɔ sɛ ɛpo mu.
Nnipa ne mmoa nyinaa hyɛ wo nsa.
7 O Onyankopɔn, wo dɔ a ɛnsa da no som bo!
Yenya guankɔbea wɔ wo ntaban nwini no ase.
8 Yedi nnuan bebree a wode ma yɛn no.
Woma yɛnom wʼadom asuten no mu.
9 Wone nkwa nyinaa ti, esiane wo hann nti, yehu hann no.
10 Kɔ so dɔ wɔn a wonim wo no, na yɛ atreneefo papa.
11 Mma ahantanfo mma me so; anaa mma nnebɔneyɛfo mma me nnguan.
12 Hwɛ baabi a nnebɔneyɛfo atetew ahwe.
Wɔn na wɔdeda hɔ a wontumi nsɔre no.